يالنجي طعم خيااااالي
- 1050 غرام ورق عنب
- كيلو رز
- فليفلة حمرا وصفرا وخضرا من كل نوع وحدة
- 3 حبات بندورة حجم وسط
- معلقة صغيرة بن
- معلقة صغيرة سكر
- توم راسين وسط
- بقدونس ونعنع يابس
- دبس رمان
- 6 م رب البندورة (معلقتين كبار للحشوة و4 معالق كبار للنصبة)
- عصير ليمون للحشوة وللنصبة
- حبتين بصل كبار للحشوة
- زيت بلدي
- ملح
- حبتين بطاطا
- حبتين جزر
- 3 حبات بندورة لسفل الطنجرة
- 1 نضع الزيت البلدي بالطنجرة ونضع البصل المفروم ناعم فوقه ونتركه ليدبل البصل ونرش عليه شوية ملح
-
2
ننقع الرز ساعة بماء فاتر ثم نضعه فوق البصل ونتبله بالزيت والبصل ثم نضع الفليفلة المفرومة ناعمة والبندورة ورب البندورة ودبس رمان حسب مابتحبو حمضو وبن وسكر وعصير ليمون والنعنع والبقدونس
-
3
نقلبه حتى يصبح لدينا هيك
-
4
نترك التتبيلة شي ساعة ونضع في سفل الطنجرة بطاطا شرائح وبندورة شرائح وجزر نلف الورق العنب ونرصه بالطنجرة بحيث مايكون عنا ولافراغ صغير
-
5
النصبة: نضع في واعة رب البندورة ودبس رمان وتوم وحمض ليمون وملح وشوية زيت بلدي ونضيفه ماء
-
6
نرفعه على النار ونضع له النصبة ونتقله ب4 صحون بورسلان كي الورق مايفرط ونتركه على النار حوالي 3 ساعات وصحة والف هنا❤❤❤
يجب عليك تسجيل الدخول لتتمكن من التعليق وإضافة تجربتك لهذه الوصفه
